Энэ хичээл нь салон, эмнэлэг, шүд, фитнес, засвар, зочид буудал зэрэг цагаар үйлчилдэг бизнест зориулагдсан. Дуусахад та ботод цаг товлуулах тохиргоог хийж, ирсэн захиалгуудыг хуанли болон жагсаалтаар хянаж чадна.

Цаг захиалга хажуугийн цэсний Мэргэжлийн хэсгийн Цаг дүрсэнд байдаг. Тэр хэсэг хураагдсан бол Нээх дарна. Цаг захиалга нь Starter болон түүнээс дээш багцад багтдаг, яг жагсаалтыг Багц хуудаснаас шалгаарай.

Тохиргоо гурван алхамтай: захиалгын төрөл, нөөц, хуваарь. Үлдсэн нь өдөр тутмын хяналт.

Харилцагч "цаг авъя", "хэзээ сул цаг байна" гэж бичихэд:

1. Бот тухайн өдрийн боломжит цагуудыг товч хэлбэрээр харуулна. Өнөөдөр, маргааш сул цаг байхгүй бол өөр өдөр хэлэхийг хүснэ.
2. Ажилтан / өрөө сонгуулах асаалттай бол бот эхлээд ажилтан эсвэл өрөөний картуудыг харуулж сонгуулна, дараа нь тэр хүний сул цагийг харуулна.
3. Харилцагч цаг сонгоход бот "Таны сонголт: ..." гэж давтаад утасны дугаар асууна. Энэ үед захиалга Ноорог төлөвтэй.
4. Утсаа өгөхөд захиалга Баталгаажсан болж, бот огноо, цаг, утас (ажилтан сонгосон бол түүний нэр) бүхий баталгааг илгээнэ.

Жишээ: "Номин гоо сайхан"-д Бат Мягмар гарагийн 14:00-д маникюр захиална.

Одоогоор бот цагийн төлбөрийг QPay-аар автоматаар авдаггүй. Хуваарьт бичсэн үнэ захиалгын Дүн болж бүртгэгдэнэ.

Тохиргоо, Бизнес мэдээлэл, Бизнесийн мэдээлэл хуудсанд (гарчиг "Workspace-ийн мэдээлэл") доош гүйлгэхэд хоёр сонголт:

• Ботын persona: бэлэн дүрүүд. Цаг захиалгад тохирох нь BookingAI (Цаг захиалга), ClinicAI (Эмнэлэг, шүд), BeautyAI (Гоо сайхан, салон), FitnessAI (Фитнесс, клуб), AutoAI (Авто засвар). Аль нэгийг сонгоход бизнесийн профайл автоматаар "Үйлчилгээ, цаг захиалга" болно.
• Бизнесийн профайл: дөрвөн карт. Үйлчилгээ, цаг захиалга-г сонгоно.

Дарсан даруй хадгалагдана, баталгаажуулах цонх гарна: "Борлуулалтын горим унтарна, AI сагс, захиалгын flow ажиллуулахгүй, цаг захиалгад төвлөрнө."

Анхаар: Зөвлөх үйлчилгээ болон Мэдээлэл, контент профайлд цаг захиалга бүрэн хаагддаг. Бараа ч, үйлчилгээ ч зардаг бол аль нь гол болохоор сонгоно.

Цаг захиалга хуудас дөрвөн табтай. Анх тохируулахдаа Тохиргоо табаас эхэл: тэнд "Эхлэх алхам" гэсэн гурван алхамтай заавар бий.

1. Захиалгын төрлөө сонгох.
2. Ажилтан / өрөөгөө бүртгэх (Нөөц таб руу линк).
3. Ажлын цагаа тохируулах (Хуваарь таб руу линк).

Хуваарь хоосон үед хуудасны дээд хэсэгт "Хуваарь тохируулаагүй байна" гэсэн сануулга гарна: тэр хүртэл бот цаг санал болгож чадахгүй.

Цаг захиалга, Тохиргоо табын Захиалгын төрөл:

• Энгийн үйлчилгээ: нэг ерөнхий хуваариар цаг авна.
• Гоо сайхан / Үсчин / Маникюр: харилцагч ажилтан ба цагаа сонгоно.
• Зочид буудал: өрөөний төрлөөр, хоногоор.
• Амралтын газар: байр, коттежоор, хоногоор.

Төрөл солиход баталгаажуулах цонх гарна: одоогийн хуваарь шинэ төрөлд тохирохгүй бол харилцагч цаг авч чадахгүй байж болзошгүй тул солисныхоо дараа Хуваарь, Нөөцөө шалгана.

Доорх AI зан төлөв хэсэгт Ажилтан / өрөө сонгуулах унтраалга: - Асаалттай: бот цаг товлохоос өмнө харилцагчаас ажилтан эсвэл өрөөг сонгуулна. - Унтраалттай: бот асуухгүйгээр боломжтой эхний ажилтан эсвэл өрөөгөөр шууд товлоно.

Цаг захиалга, Хуваарь табын баруун дээд Өдөр нэмэх товч цонх нээнэ:

• Өдөр: Даваагаас Ням хүртэл.
• Эхлэх цаг, Дуусах цаг: жишээ нь 09:00, 18:00.
• Интервал (мин): нэг цагийн урт. 30 бол 09:00, 09:30, 10:00 гэх мэт цагууд үүснэ.
• Цаг бүрийн хүний тоо: нэг цагт хэдэн харилцагч хүлээж авах вэ.
• Захиалгын үнэ (MNT): 0 бол үнэгүй.

Өдөр бүр нэг карт болж харагдана: цагийн хүрээ, нийт цагийн тоо, цаг бүрт хэдэн хүн, үнэ. Засах ба хогийн савны товчоор засна, хасна. Өдөр хасах нь одоо байгаа захиалгад нөлөөлөхгүй.

Хуваарь хоосон бол "Даваа-Ням 09:00-18:00 хуваарь үүсгэх" товчоор долоо хоногийн бэлэн хуваарь нэг дор үүсгэж, дараа нь засаж болно. Үүсгэсэн даруйд бот эдгээр цагийг санал болгож эхэлнэ.

Цаг захиалга, Нөөц табд ажилтан эсвэл өрөөгөө бүртгэнэ.

1. Нэмэх дарж Төрөл: Ажилтан (гоо сайханч, үсчин, эмч) эсвэл Өрөө (өрөө ба өрөөний төрөл).
2. Нэр, Тайлбар (үйлчилгээ, мэргэжил эсвэл орны тоо), Зураг. Бот ажилтан сонгуулахдаа эдгээрийг карт болгон харуулна.
3. Ажилтанд Зэрэгцээ үйлчлэх тоо (нэгэн зэрэг хэдэн үйлчлүүлэгч), өрөөнд Адил өрөөний тоо (1 бол ганц өрөө).
4. Идэвхтэй: харилцагч сонгох боломжтой эсэх. Амралттай ажилтныг устгахын оронд унтраана.

Нөөц сонгосон захиалгад нэг цагт хэдэн хүн авахыг тэр нөөцийн зэрэгцээ тоо шийднэ. Нөөцгүй бол хуваарийн "Цаг бүрийн хүний тоо".

Цаг захиалга, Захиалга таб нь "Чатаар ирсэн цаг захиалгууд".

• Шүүлтүүр: Бүгд, Баталгаажсан, Дууссан, Цуцлагдсан.
• Баруун талд Хуанли (сараар, өдөр бүрт хэдэн захиалга) эсвэл Жагсаалт (Огноо, Харилцагч, Дүн).
• Захиалга дээр дарвал Цаг захиалгын дэлгэрэнгүй: нэр, утас, дүн. Үйлчилгээ дууссаны дараа Дуусгах, ирэхгүй бол Захиалга цуцлах. Хоёулаа баталгаажуулах цонхтой.
• ... цэсний Excel татах нь сонгосон шүүлтүүрээр файл татна.

Төлвүүд: Ноорог (цаг сонгосон ч утсаа өгөөгүй), Баталгаажсан, Дууссан, Цуцлагдсан.

Өдөр бүр өглөө Хуанлиас өнөөдрийн захиалгыг харж, үйлчилгээ бүрийн дараа Дуусгах дарж хэвшээрэй.

Хоёр газар цаг бичигддэг тул андуурах нь элбэг:

• Тохиргоо, Бизнес мэдээлэл, Ажлын цаг: workspace-ийн ерөнхий ажлын цаг. Бот "хэдэн цагт ажилладаг вэ?" гэсэн асуултад үүгээр хариулна. AI ажилтан, Ажиллуулах хуудасны Ажлын цаг карт ч үүнийг харуулна.
• Цаг захиалга, Хуваарь: бот харилцагчид санал болгох бодит цагууд.

Хоёулаа ижил байх ёстой. Баасан гарагт эрт тардаг бол хоёр газарт хоёуланд нь засна.

• Үнэлгээ: Автомат, Форм хуудаснаас "Үнэлгээ" төрлийн форм үүсгээд Яриа дууссаны дараа эхлүүлэхээр тохируулбал харилцагчаас 1-5 одоор үнэлгээ авна (Формын хичээлийг үзээрэй).
• Мэдлэгийн сан: үйлчилгээ бүрийн үнэ, хэдэн минут үргэлжлэх, ирэхээсээ өмнө юу бэлдэх зэргийг мэдлэгийн санд бичвэл бот цаг товлохоос гадна эдгээр асуултад хариулна.
• Хүнд шилжүүлэх: хуваарьт багтахгүй, онцгой хүсэлтийг бот операторт шилжүүлнэ. Тэдгээрт Inbox-оос хариулна.

Ихэнх асуудал гурван газарт шийдэгдэнэ: Бизнесийн профайл, Хуваарь, Нөөц.

Бот цаг санал болгохгүй бол шалгах дараалал: 1. Хуваарь табд өдөр бий юу. 2. Бизнесийн профайл Зөвлөх үйлчилгээ эсвэл Мэдээлэл, контент биш үү (эдгээрт цаг захиалга хаалттай). 3. AI ажилтан, Ажиллуулах дээр AI асаалттай юу. 4. Багцад цаг захиалга багтсан уу.

AI ажилтан, Чадвар хэсгийн Цаг захиалга бүлэг хаалттай бол шалтгааныг бичдэг, жишээ нь "Бизнесийн төрөлд тань хамаарахгүй".

Асуулт бүрт эхлээд өөрөө хариулаад, дараа нь хариултыг нээж шалгаарай.

1. Бот товлох бодит цагуудыг хаанаас авдаг вэ?

   Цаг захиалга хуудасны Хуваарь табаас.

2. Салонд ямар бизнесийн профайл тохирох вэ?

   Үйлчилгээ, цаг захиалга (эсвэл BeautyAI persona).

3. Харилцагч мастераа сонгодог болгохын тулд юу хийх вэ?

   Нөөц табд ажилтнуудаа нэмж, Тохиргоо табын Ажилтан / өрөө сонгуулах-ыг асаана.

4. Ноорог төлөвтэй захиалга юу гэсэн үг вэ?

   Харилцагч цаг сонгосон ч утасны дугаараа хараахан өгөөгүй.

Дараагийн хичээл: Коммент ба сошиал, дараа нь Форм.