Энэ хичээл Broadcast (зарлал илгээх) хэрэгслийг заана: олон харилцагчид нэг мессежийг нэг дор илгээх.

Хамгийн чухал ойлголт бол 24 цагийн дүрэм: Messenger, Instagram-аар мессеж хэнд очих, хэнд очихгүйг энэ дүрэм шийднэ. Үүнийг ойлгосон ажилтан "яагаад цөөхөн хүнд очсон бэ" гэсэн асуултад өөрөө хариулж чадна.

Анхаар: broadcast илгээх нь одоогоор түр хаалттай, тун удахгүй нээгдэнэ. Мессеж бэлдэх, хэдэн хүнд очихыг урьдчилж харах боломжтой.

Эхлээд 24 цагийн дүрмийг жишээгээр ойлгоод, дараа нь дэлгэц дээр алхам алхмаар илгээх замыг үзнэ.

Broadcast гэдэг нь таны харилцагчдад нэг мессежийг нэг дор илгээх хэрэгсэл. Хуудсаа дагагч бүх хүнд биш, таны workspace-д өмнө нь бичсэн харилцагчдад очно.

Хэзээ хэрэглэх вэ: урамшуулал зарлах, шинэ бараа ирснийг мэдэгдэх, цагийн хуваарь өөрчлөгдсөнийг хэлэх. "Шошгоор шүүх" эсвэл CRM-д хадгалсан сегментээр зөвхөн тодорхой бүлэгт илгээж болно, жишээ нь "Захиалга хийсэн" шошготой хүмүүст.

Broadcast мессежийг та өөрөө бичдэг тул сарын AI хариуны тоонд орохгүй.

Broadcast нь Starter ба түүнээс дээш багцад. Цэс: хажуугийн цэсний Автоматжуулалт шатны Маркетинг дүрс, дотор нь Broadcast.

Одоогоор broadcast илгээх нь бүх workspace-д түр хаалттай. Илгээх дарвал "илгээлт түр зогссон байна, дараа дахин оролдоно уу" гэсэн мэдэгдэл гарна. Энэ нь таны алдаа биш, тохиргоо ч эвдрээгүй.

Одоо хийж болох зүйл: - Мессежийнхээ текстийг бэлдэх. - Платформ, идэвхтэй хугацаа, шошго сонгоод "Нийт N хүнд илгээгдэнэ" мөрөөр хэдэн хүнд очихыг харах. - Өмнөх илгээлтүүдийн түүх, статистикийг үзэх.

Хуваарь тавихгүй байх: хуваарьт илгээлт нээгдэх хүртэл хүлээгдэнэ, нээгдэх мөчид шууд явна. Тэр үед урамшуулал тань аль хэдийн дууссан байж магадгүй. Нээгдсэний дараа шинээр хуваарьлах нь найдвартай.

Meta (Facebook, Instagram-ийн компани) дэлгүүрүүдийг харилцагчдаа спамдахаас хамгаалж ийм дүрэм тогтоосон: харилцагч танд сүүлийн 24 цагт бичсэн бол л та түүнд Messenger, Instagram-аар мессеж илгээж чадна. Харилцагч шинээр бичих бүрт 24 цаг дахин эхэлнэ.

Ийм учраас: - "Идэвхтэй хугацаа"-нд Сүүлийн 7, 30, 90 хоног сонгосон ч Messenger, Instagram-д зөвхөн 24 цаг дотор бичсэн хүмүүс л үлдэнэ. - 24 цагаас өмнө бичсэн хүмүүс автоматаар хасагдана. Үүнийг тойрох арга байхгүй. - Telegram-ийн харилцагчдад энэ хязгаар хамаарахгүй: тэд бүгд хүлээн авна.

Тиймээс broadcast нь ихэвчлэн "өнөөдөр бидэнтэй ярьсан хүмүүст" зориулсан хэрэгсэл. Олон хүнд хүрэхийг хүсвэл хүмүүсийг эхлээд танд бичүүлэх хэрэгтэй (коммент, зар, Telegram суваг).

Энэ жишээг хамтдаа уншъя.

• Бат Messenger-ээр 2 цагийн өмнө бичсэн: 24 цаг дотор, очно.
• Сараа Instagram-аар 20 цагийн өмнө бичсэн: 24 цаг дотор, очно.
• Дулмаа Messenger-ээр 3 хоногийн өмнө бичсэн: 24 цагаас хэтэрсэн, очихгүй. Тэр дахин бичвэл дараагийн 24 цагт очно.
• Тэмүүлэн Telegram-аар 1 сарын өмнө бичсэн: Telegram-д 24 цагийн хязгаар байхгүй, очно.

Дэлгэц дээрх урьдчилсан тоо яг энэ тооцоог танд хийж өгнө.

Маркетинг, Broadcast хуудас нь "Зарлал илгээх" гарчигтай, хоёр табтай: Түүх ба Шинэ. Шинэ зарлал бэлдэх нь Шинэ таб (эсвэл Түүх таб дээрх Шинэ зарлал товч).

• Мессеж: текстээ бичнэ, доор нь тэмдэгтийн тоо (2000 хүртэл). AI санал товч текст санал болгоно, та засаж болно.
• Платформ: Бүгд, Messenger, Instagram, Telegram.
• Хуваарьт илгээх: огноо, цаг (дараагийн слайд).
• Идэвхтэй хугацаа: Бүгд, Сүүлийн 7, 30, 90 хоног.
• Шошгоор шүүх: шошго дээр дарж сонгоно, жишээ нь "Захиалга хийсэн".
• Сегмент ашиглах: CRM-д хадгалсан сегмент байвал энд гарна, дарахад түүний шүүлтүүр бөглөгдөнө.

Доор нь урьдчилсан тоо: "Нийт N хүнд илгээгдэнэ · 24 цагт бичсэн N · Telegram N", шар өнгөөр "сүүлийн 24 цагт бичээгүй N харилцагчид Messenger/Instagram-аар мессеж илгээгдэхгүй". Илгээхээсээ өмнө энэ мөрийг заавал уншаарай.

Илгээлт нээгдсэний дараах дараалал:

1. Бичих: мессежээ бичээд үнэ, огноо, холбоосыг дахин шалга. Илгээсэн мессежийг буцааж татах боломжгүй.
2. Шүүх: хэнд илгээхээ сонго. Бүх хүнд биш, хамааралтай бүлэгт илгээх нь харилцагчийг залхаахгүй.
3. Тоог унших: "Нийт N хүнд илгээгдэнэ". "Одоогоор илгээх хүн алга" гэж гарвал сүүлийн 24 цагт Messenger, Instagram-аар хэн ч бичээгүй гэсэн үг.
4. Илгээх: товч дарахад "сүүлийн 24 цагт бичсэн хүмүүст мессеж илгээх гэж байна (Telegram-д бүгдэд)" гэсэн баталгаажуулалт гарна. Зөвшөөрвөл илгээж эхэлнэ.

Хуваарьт илгээх талбарт огноо, цаг сонговол илгээх товч "Хуваарьлах" болж, баталгаажуулалтад тэр цагийг дахин харуулна.

Хуваарьт мессежийн хүлээн авагчийг илгээх мөчид дахин тооцно: тухайн цагт сүүлийн 24 цагт бичсэн хүмүүст очно. Тиймээс хүмүүс их бичдэг цагт (жишээ нь орой) хуваарьлах нь илүү олон хүнд хүрнэ.

Илгээлт секундэд 5 хүртэл хурдтай: 1000 хүнд ойролцоогоор 3-4 минут. Илгээж байх үед явц Түүх табд харагдана.

Түүх табд өмнөх бүх илгээлт харагдана.

• Дээд талын дөрвөн карт: Нийт илгээлт, Нийт хүлээн авагч, Амжилттай, Алдаатай.
• Мөр бүрт: Төлөв (Илгээгдсэн, Илгээж байна, Хуваарьт, Ноорог, Түр зогссон, Алдаатай), мессежийн эхлэл, Илгээсэн багана (жишээ нь 40/790 = 790 хүлээн авагчаас 40-д нь амжилттай очсон), огноо.
• Мөр дээр дарахад дэлгэрэнгүй: Явц, Хүлээн авагч, Илгээсэн, Алдаатай, Хүргэгдсэн, Уншсан, Хариулсан, хугацаа.

"Алдаатай" тоо өндөр байх нь хэвийн: хүн таныг блоклосон, эсвэл илгээх мөчид 24 цаг нь дууссан байж болно.

Meta илгээлтийг хязгаарлавал систем илгээхээ өөрөө зогсоож, төлөвийг Түр зогссон болгоно. Түүх табын дээд талд "N зарлал түр зогссон" гэсэн мөр гарна.

• Мөрөнд шалтгаан: Meta хурдны хязгаар, Meta спам хамгаалалт, Meta платформын шалгалт гэх мэт, мөн хэдэн хүнд аль хэдийн очсоныг харуулна.
• Үргэлжлүүлэх: илгээлтийн дэлгэрэнгүйг нээгээд дарна, баталгаажуулалт асууна.
• Үргэлжлүүлэхэд зөвхөн одоо 24 цагийн цонхонд байгаа, энэ мессежийг хараахан аваагүй хүмүүст очно. Хэнд ч давхар очихгүй.

Дахин хязгаарлавал илгээлт дахин түр зогсоно. Энэ үед олон удаа дарах хэрэггүй, хэсэг хүлээгээд оролдоно.

• Түр зогссон мэдэгдэл: одоогоор илгээлт бүх workspace-д түр хаалттай. Таны алдаа биш.
• Илгээх хүн алга: 24 цагийн дүрмээс. Харилцагчид их бичдэг цагийг (орой, амралтын өдөр) сонгох, эсвэл тэднийг эхлээд бичүүлэх (коммент, зар) хэрэгтэй.
• Цөөхөн хүн: Идэвхтэй хугацаа нь зөвхөн шүүлтүүр, 24 цагийн дүрмийг тойрохгүй.
• Олон алдаа: хэвийн. Харилцагч блоклосон, эсвэл илгээлтийн дундуур 24 цаг нь дууссан.

Асуулт бүрт эхлээд өөрөө хариулаад, дараа нь хариултыг нээж шалгаарай.

1. Харилцагч Messenger-ээр 2 хоногийн өмнө бичсэн. Broadcast очих уу?

   Үгүй. Messenger-т зөвхөн сүүлийн 24 цагт бичсэн хүнд очно.

2. Telegram-аар 2 долоо хоногийн өмнө бичсэн хүнд очих уу?

   Тийм. Telegram-д 24 цагийн хязгаар байхгүй.

3. Хуваарьт илгээлтийн хүлээн авагчийг хэзээ тооцох вэ?

   Илгээх мөчид. Тэр үед 24 цагт бичсэн хүмүүст очно.

4. Broadcast мессеж AI хариуны тоонд орох уу?

   Үгүй. Та бичсэн мессеж тул тоологдохгүй.

Дараагийн хичээл: Форм ба вэб маягт. Харилцагчаас асуулт асууж хариултыг цуглуулах.