Энэ хичээлээр Харилцагч аппыг заана. Чатаар бичсэн хүн бүр автоматаар харилцагч болж, бот ярианаас таньсан утас, хаяг, имэйлийг хадгалдаг. Таны ажил бол тэдгээрийг цэгцлэх: шошго тавих, юүлүүрийн шатыг шинэчлэх, дахин холбогдох даалгавар тавих, бүлэглэж сегмент хадгалах.

Энэ мэдээлэл дараа нь Маркетинг (broadcast) болон тайланд ашиглагдана.

Эхний гурав нь өдөр бүр, сүүлийн гурав нь долоо хоногт хэд хэдэн удаа хийх ажил.

Хажуугийн цэсээс Харилцагч аппыг нээхэд дөрвөн хэсэг харагдана: Юүлүүр, Хэрэглэгчид, Даалгавар, Сегмент.

Харилцагч гараар үүсгэх шаардлагагүй: Messenger, Instagram, Telegram, вэб виджетээр бичсэн хүн бүр автоматаар нэмэгдэнэ. Бот ярианаас утас, хаяг, имэйлийг таньж хадгална.

Харилцагч сувгаараа тусдаа: нэг хүн Messenger ба Telegram-аар бичвэл хоёр мөр болно. Тэднийг "нэг хүн" гэж холбож болно (доор).

Цэсний шатаас хамаарч Юүлүүр, Даалгавар, Сегмент нь Мэргэжлийн шатанд нээгдэнэ. Хайлтаар (Cmd+K эсвэл Ctrl+K) үргэлж олдоно.

Хэрэглэгчид хуудас гурван табтай: - Жагсаалт: бүх сувгийн харилцагч нэг жагсаалтад. - CRM самбар: операторын хариу хүлээж буй харилцагчид. - Мэдээлэл: AI-ийн цуглуулсан утас, хаяг, имэйл (дараагийн слайдууд).

Жагсаалтын дээд хэсэгт: - Бүх / FB / IG: платформоор шүүнэ. - Нэр, утас, имэйлээр хайх талбар. - Хүнээр: нэг хүний олон сувгийг нэг гэж тоолно. - Шошгоны чипүүд: дээр нь дарвал тэр шошготой хүмүүс л үлдэнэ. - Tag удирдах: шинэ шошго үүсгэх (нэр, өнгө), засах. - Сегмент хадгалах: одоогийн шүүлтүүрийг нэр өгч хадгална.

Зарим шошгыг систем өөрөө тавина: "Утас бүртгэлтэй", "Хаяг бүртгэлтэй", "FB-аас импорт", "Оператортой ярилцсан".

Жагсаалтын мөр дээр дарахад баруун талд Хэрэглэгчийн дэлгэрэнгүй самбар нээгдэнэ.

• Inbox-руу очих: тэр харилцагчийн ярилцлагыг Inbox-д нээнэ.
• Сувгууд дамнасан түүх: нэг хүн гэж холбогдсон бол бүх сувгийнх нь түүх нэг дор.
• Tag-ууд: бүх шошго харагдана. Дарвал тавигдана (цэнхэр, чагттай), дахин дарвал авагдана.
• Тэмдэглэл: ажилтнуудын дотоод тэмдэглэл. Бичээд Хадгалах дарна. Харилцагч үүнийг хэзээ ч харахгүй.
• Доор нь бүртгүүлсэн огноо, утас.

Эзэн "Талбар тохируулах"-аар өөрийн талбар (жишээ нь "Төрсөн өдөр") нэмсэн бол Inbox-ийн баруун самбарт тэдгээр харагдаж засагдана.

Мэдээлэл таб: бот ярианаас таньсан утас, хаяг, имэйл бүр хаанаас ирснээ заана: "Мессежээс таньсан", "Сагсны баталгаа", "Комментээс" гэх мэт. Энд CSV татах товч байна.

Жагсаалтын "Утас" багана зөвхөн сүүлийн баталгаажсан утсыг харуулдаг. Утас "алга" мэт харагдвал Мэдээлэл табаас хайгаарай.

CRM самбар таб: AI хүнд шилжүүлсэн, операторын хариу хүлээж буй харилцагчид. Inbox-ийн "Оператор хүлээгдэж буй"-тай ижил хүмүүс.

Хуудасны баруун дээд ... цэсэнд: Давхардал шалгах, Талбар тохируулах (20 хүртэл өөрийн талбар), Импорт, Бүгдийг экспортлох (одоогийн шүүлтүүрээр).

... цэс, Давхардал шалгах нь ижил утастай харилцагчдыг харуулна. Хоёр өөр товч байна:

• Нэг хүн гэж холбох (буцаах боломжтой): жишээ нь Бат Messenger-ээр ч, Telegram-аар ч бичсэн. Мөр бүрийн мэдээлэл тус тусдаа бүрэн үлдэх бөгөөд жагсаалтад нэг хүн гэж тоологдоно. Дараа нь хэдийд ч салгаж болно.
• Нэгтгэх (буцаах боломжгүй): нэг сувагт нэг хүн хоёр мөр болсон жинхэнэ давхардал. Захиалга, яриа нь үндсэн мөрөнд шилжиж, бусад мөр устна.

Эргэлзвэл үргэлж "холбох"-ыг сонго. Нэгтгэхийг зөвхөн эзний зөвшөөрлөөр хий.

Юүлүүр нь шат бүрийг багана болгож харуулна: - Шинэ: шинээр бичсэн хүн. Бүх харилцагч эндээс эхэлнэ. - Холбогдсон: та холбоо барьсан. - Чадавхижсан: худалдан авах бодит сонирхолтой. - Худалдан авагч: худалдан авалт хийсэн. - Алдагдсан: худалдан авахгүй болсон.

Шатыг систем өөрөө солихгүй, та солино. Хоёр арга бий: 1. Картын зүүн талын бариулаас (зургаан цэг) барьж өөр багана руу чирнэ. 2. Карт дээрх Шат солих цэснээс шатаа сонгоно.

Аль ч аргаар "... шат руу шилжүүлэх үү?" гэж асууна, Шилжүүлэх дарна. Энэ нь санамсаргүй чирэлтээс хамгаална. Шат солиход харилцагч засах эрх хэрэгтэй.

Жишээ: харилцагч "Цалин буухаар маргааш авъя" гэсэн. Маргааш түүнд сануулах даалгавар тавина.

1. Inbox дээр тэр яриаг нээгээд баруун самбарын Үйл ажиллагаа таб, Тэмдэглэл & Даалгавар хэсэгт Даалгавар-ыг сонгоно.
2. Даалгавраа бичиж, Дуусах хугацаа сонгоод Нэмэх дарна.
3. Харилцагч аппын Даалгавар хуудаст бүх даалгавар хугацаагаар хуваагдана: Хугацаа хэтэрсэн, Өнөөдөр, Энэ 7 хоног, Дараа, Дууссан. Хийсэн бол Дуусгах, буцааж нээх бол Дахин нээх.

Хугацаа хэтэрсэн даалгавартай бол цэсэнд тоо гарч ирнэ. Өдөр бүр ажлын эхэнд энэ хуудсыг нэг харах дадал болгоорой.

Сегмент гэдэг нь хадгалсан шүүлтүүр, жишээ нь "Сүүлийн 30 хоногт идэвхтэй, Захиалга хийсэн шошготой".

Үүсгэх хоёр арга: 1. Хэрэглэгчид жагсаалтад шүүлтүүрээ тавиад Сегмент хадгалах дарж нэр өгнө. 2. Сегмент хуудасны Шинэ сегмент: Нэр (жишээ нь "Утастай VIP"), Платформ, Идэвхтэй байсан хугацаа, Шошго сонгоод Хадгалах.

Хүнээр тоолох-ыг асаавал нэг хүний олон суваг нэг л удаа тоологдоно.

Хадгалсан сегмент бүр дээр Дахин тоолох (шинэ тоо) ба Broadcast руу (энэ бүлэгт мессеж илгээх) товч байна. Broadcast-д 24 цагаас өмнө бичсэн хүмүүс Meta-ийн дүрмээр хасагдана, тиймээс сегментийн тооноос цөөн хүнд очиж болно. Дэлгэрэнгүй нь "Маркетинг ба broadcast" хичээлд.

... цэс, Импорт нь CSV файлаас харилцагч оруулна. Баганууд: name, phone, email, address, stage.

Импортоор орсон харилцагч бол зөвхөн бүртгэл: Messenger, Instagram нь хүн өөрөө эхэлж бичээгүй бол түүн рүү мессеж илгээхийг зөвшөөрдөггүй. Тиймээс импортын жагсаалт руу broadcast явуулах боломжгүй.

Сүүлийн мөр: багийн гишүүний Хандалтын хүрээ "Зөвхөн өөрт оноогдсон" бол жагсаалт тань өөрт оноогдсон ба оноогдоогүй харилцагчаар хязгаарлагдана. Энэ нь алдаа биш, эзний тохиргоо.

Асуулт бүрт эхлээд өөрөө хариулаад, дараа нь хариултыг нээж шалгаарай.

1. Харилцагчийг гараар үүсгэх шаардлагатай юу?

   Үгүй. Чатаар бичсэн хүн бүр автоматаар нэмэгдэнэ.

2. Нэг хүн Messenger ба Telegram-аар бичсэн бол аль товчийг дарах вэ?

   Нэг хүн гэж холбох (буцаах боломжтой).

3. Юүлүүрийн таван шатыг нэрлэ.

   Шинэ, Холбогдсон, Чадавхижсан, Худалдан авагч, Алдагдсан.

4. Даалгаврыг хаанаас нэмэх вэ?

   Inbox-ийн баруун самбар, Үйл ажиллагаа, Тэмдэглэл & Даалгавар.

5. CSV-ээр импортолсон хүнд Messenger-ээр мессеж илгээж болох уу?

   Үгүй. Импорт нь зөвхөн бүртгэл.

Дараагийн бүлэг: Борлуулалт. "Бараа, захиалга, төлбөр"-өөс эхэлнэ. Сегментийг шууд ашиглах бол "Маркетинг ба broadcast".