Энэ хичээлээр та Тохиргоо аппын хоёр гол хэсэгтэй танилцана: Сувгууд (харилцагч танд бичих замууд) ба Бизнес мэдээлэл (AI-ийн харилцагчид хэлэх нэр, утас, хаяг, ажлын цаг).

Суваг холбох нь ихэвчлэн эзний ажил. Гэхдээ ажилтан бүр суваг "Тасарсан" үед юу хийхийг мэддэг байх ёстой: эс бөгөөс харилцагчийн мессеж хэн ч мэдэлгүй хариугүй үлдэнэ.

Эхний таван хэсэг нь сувгийн тухай, сүүлийнх нь workspace-ийн тохиргоо.

Хажуугийн цэсээс Тохиргоо аппыг нээгээд Сувгууд-ыг сонгоно.

Дээд панельд сонгосон workspace болон түүнд холбогдсон суваг бүр мөр болж харагдана: Instagram хаяг, Messenger хуудас, Telegram бот, вэб виджет. Мөр бүрийн баруун талд төлөв (жишээ нь "Хэвийн") ба ... товч байна. Тэр цэснээс Дахин холбох, Салгах сонгоно. Вэб виджетийн мөрөнд мөн "Суулгах код / Тохиргоо" байна.

Доод хэсэг Суваг холбох нь шинэ суваг нэмэх картууд. Аль хэдийн холбогдсон төрөл дээр "Холбогдсон" гэж бичигдэнэ. WhatsApp, Viber "Тун удахгүй".

Энэ хуудас зөвхөн холболтын тухай. AI-г суваг бүрт асаах, унтраах нь энд биш, AI ажилтан, Ажиллуулах хуудсанд байдаг.

Сувгийн төлөв дөрвөн янз байна.

• Хэвийн: бүх зүйл ажиллаж байна.
• Дуусах гэж байна: холболтын зөвшөөрөл удахгүй дуусна. Одоо ажиллаж байгаа ч цаг алдалгүй дахин холбоорой.
• Тасарсан: зөвшөөрөл хүчингүй болсон. Харилцагч бичсэн ч автомат хариу очихгүй. Ихэвчлэн Facebook-ийн нууц үг сольсон, эсвэл хуудасны админ эрх алдагдсан үед болдог.
• Цуцлагдсан: холболтыг салгасан.

Тасарсан холболт Нүүр хуудасны "Анхаарал хэрэгтэй" хэсэгт хамгийн дээр гарна, мөн имэйлээр мэдэгдэл ирнэ. Харсан даруйдаа эзэндээ хэлээрэй.

1. Суваг холбох хэсгийн Мессенжер карт дээрх Холбох товчийг дарна. Facebook-ийн цонх нээгдэнэ. Нэвтэрч, асуусан зөвшөөрлийг бүгдийг нь чагтална. Нэгийг хасвал мессеж ирэхгүй эсвэл хариу илгээгдэхгүй.
2. Буцаж ирэхэд Facebook хуудас холбох цонхонд таны админ эрхтэй хуудсуудын жагсаалт гарна. Холбох хуудсынхаа Холбох товчийг дарна. Өөр газар холбогдсон хуудас "Өөр газар холбогдсон" гэж харагдана. Жагсаалт хоосон бол таны Facebook акаунт хуудасны админ биш байна.
3. Тэр Facebook хуудастай холбоотой Instagram Business хаяг байвал тусдаа Instagram суваг болж хамт нэмэгдэнэ.

Instagram гарч ирэхгүй бол: Facebook хуудсандаа Instagram Business хаягаа холбосон эсэхээ шалгаад, Тохиргоо, Мессеж хүлээн авах хуудасны Meta сувгуудыг дахин татах товчийг дарна.

1. Telegram дотроо @BotFather-ийг нээгээд /newbot гэж илгээнэ. Цонхон дахь "@BotFather нээх" ба /newbot хуулах товч тусална.
2. BotFather эхлээд ботын нэр асууна: харилцагчид харагдах нэр, жишээ нь "Номин дэлгүүр".
3. Дараа нь username асууна: латин үсгээр, bot-оор төгссөн, давтагдашгүй нэр (жишээ нь nomin_delguur_bot). "Sorry, this username is already taken" гэвэл төгсгөлд нь тоо нэмнэ.
4. BotFather "Done! Congratulations..." гэж хариулна. Хариуг бүхлээр нь эсвэл зөвхөн токены мөрийг хуулж, Сувгууд хуудасны Telegram карт дээр дарж нээгдсэн цонхны Bot Token талбарт буулгана. Систем токеныг өөрөө олж, "@username бот олдлоо" гэж баталгаажуулна.
5. Холбох дарна.

Нэг workspace нэг л Telegram боттой. Нэг бот нэг л workspace-д холбогдоно.

Суваг холбох хэсгийн Вэб виджет карт дээрх Холбох-ийг дарахад гурван алхамтай цонх нээгдэнэ.

1. Виджет ажиллах сайтынхаа хаягийг бичнэ: мөр бүрт нэг хаяг, https://-ээр эхэлсэн бүтэн хэлбэрээр. Сайт тань www-тэй хаягаар ч нээгддэг бол түүнийг ч нэмнэ. Хадгалах дарна. Жагсаалт хоосон бол виджет ажиллахгүй: энэ нь бусад сайт таны ботыг ашиглахаас хамгаална.
2. Кодыг хуулж сайтынхаа бүх хуудсанд нэмнэ: Хуулах дараад вэб хөгжүүлэгчдээ өгнө (ихэвчлэн footer template-д нэг удаа нэмэхэд хангалттай). "Кодыг имэйлээр авах" товчоор өөрийн имэйл рүү явуулж болно.
3. Сайт дээрээ шалгана: кодоо нэмсэн хуудсаа нээгээд Шалгах дарна.

Нэмэлт тохиргоо (өнгө, мэндчилгээ)-д үндсэн өнгө, мэндчилгээг тохируулна.

Вэб виджет зөвхөн тодорхой төлбөртэй багцад орно. Багцад тань байхгүй бол карт дээр цоож тэмдэг харагдана.

Дахин холбох нь холболтыг шинэчилдэг: Facebook эсвэл BotFather руу дахин орж зөвшөөрлөө өгнө. Тасарсан, "Дуусах гэж байна" төлөвт эхлээд үүнийг хийнэ.

Салгах нь баталгаажуулалт асууна. Салгасан ч бараа, захиалга, харилцан яриа зэрэг бүх өгөгдөл хэвээр үлдэнэ, зөвхөн тэр сувгаар мессеж илгээх, хүлээн авах зогсоно.

Анхаарах хоёр зүйл: - Facebook хуудсаа салгавал тэр хуудсанд холбогдсон Instagram мөн хамт сална, учир нь хоёулаа нэг зөвшөөрлөөр ажилладаг. - Workspace-ийн сүүлчийн Messenger/Instagram сувгийг салгавал workspace жагсаалтаас алга болж, эзэлж байсан багцын байр чөлөөлөгдөнө. Дахин холбоход бүх өгөгдөлтэйгээ буцаж ирнэ.

Тохиргоо апп, Бизнес мэдээлэл, Бизнесийн мэдээлэл хуудас.

• Workspace-ийн нэр: AI чатбот харилцагчтай ярихдаа өөрийгөө энэ нэрээр танилцуулна. Dashboard даяар мөн энэ нэр харагдана.
• Утас, Хаяг: харилцагч асуухад AI эдгээрийг хэлнэ. Энэ хэсгийн өөрчлөлт Хадгалах дарсны дараа л хадгалагдана.
• Meta-гийн эзэмшдэг мэдээлэл: Facebook хуудас, Instagram хаягийн нэрийг эндээс засах боломжгүй. Facebook/Instagram дээрээ өөрчилбөл дараагийн синкээр шинэчлэгдэнэ.
• Ботын persona: ботын ажиллах хэлбэр (борлуулалт, цаг захиалга, зөвлөгөө, мэдээлэл, хэрэглэгчийн дэмжлэг гэх мэт). Сонгосон даруй хадгалагдана, "Хадгалах" дарах шаардлагагүй. Сонголт нь ботын хэрэгсэл, дүрэм, хэлэх үгийг өөрчилдөг тул эзэнтэйгээ зөвшилцөж байж солино.

Бизнес мэдээлэл доторх дэд хуудас бүр өөрийн Хадгалах товчтой.

• Ажлын цаг: долоо хоногийн хуваарь. "Бүх өдөр ижил" товч Даваа гарагийн цагийг бусад өдөрт хуулна. AI харилцагчид ажлын цагийг энэ хуваариар хэлнэ.
• Хүргэлт ба карго: хүргэлтийн төлбөр, карго, дүнгээс хамаарсан хөнгөлөлт.
• Худалдаа ба захиалга: AI санал болгох худалдааны арга ("Сайтаар захиалах", "Дансаар шилжүүлэх"), "Бэлнээр төлбөр төлөхийг зөвшөөрөх", "Үйлчлүүлэгчээс юу авах" (Утас, И-мэйл, Утас + И-мэйл). Дэлгэрэнгүй нь "Бараа, захиалга, төлбөр" хичээлд.
• Аюулгүй байдал ба нэвтрэлт: өөрийн нэвтрэх аргуудаа холбох, салгах.
• Нөөцлөлт: workspace-ийн бүх өгөгдлийг ZIP файлаар татах (эзэн эсвэл баг удирдах эрхтэй хүн).

Мөн Тохиргоо апп-д Мессеж хүлээн авах, Мэдэгдэл хүлээн авах суваг, Баг хэсгүүд бий. Зарим хэсэг зөвхөн тодорхой цэсний шат эсвэл эрхтэй үед харагдана.

Тохиргоо, Мессеж хүлээн авах хуудас нь мессеж OpenBot-д орж ирэх эсэхийг шийднэ.

• Messenger, Instagram суваг бүрийн Мессеж хүлээн авах унтраалга (Telegram, вэб виджетэд хамаарахгүй). Унтраасан сувгийн мессеж хадгалагдахгүй, Inbox-д ч харагдахгүй. Үүнийг AI-ийн унтраалгатай андуурч болохгүй: AI-г унтраавал мессеж ирсээр, зөвхөн бот хариулахгүй.
• Зараас ирсэн мессежийг хүлээн авахгүй: асаавал Facebook/Instagram зараас шууд ирсэн мессежийг хүлээн авахгүй, түүх үлдэхгүй. Тэр хүн дараа нь өөрөө бичвэл хэвийн ирнэ.
• Meta сувгуудыг дахин татах: Facebook-оос Messenger/Instagram сувгуудыг дахин татна. Шинээр холбосон Instagram гарч ирэхгүй үед хэрэглэнэ.
• Webhook дахин холбох: Messenger сувагт мессеж ирэхээ больсон үед.

• Суваг тасрах нь ихэвчлэн Facebook-ийн нууц үг солих, хуудасны админ эрх алдагдахаас болдог. Дахин холбохдоо зөвшөөрлийг бүгдийг нь чагтлахаа бүү мартаарай.
• Telegram-д username биш, хоёр цэгээр тусгаарлагдсан урт токен хэрэгтэй (123456789:AA... хэлбэр).
• Вэб виджетийн цонхонд "Виджет ... хаягаас ачаалагдах гэсэн ч энэ хаяг жагсаалтад алга тул хаагдсан" гэж гарвал тэр нь таны сайт эсэхийг шалгаад Жагсаалтад нэмэх дарна.
• Instagram: хаяг Business төрөл байх ёстой. Meta Business Suite-ийн өөрийн автомат хариулт асаалттай бол давхар хариу очиж болно.

Асуулт бүрт эхлээд өөрөө хариулаад, дараа нь хариултыг нээж шалгаарай.

1. Суваг "Тасарсан" төлөвтэй бол юу хийх вэ?

   Мөрийн ... цэснээс Дахин холбох, зөвшөөрлийг бүгдийг нь чагтална.

2. Салгах товч бараа, захиалгыг устгах уу?

   Үгүй. Бүх өгөгдөл үлдэнэ, зөвхөн мессеж солилцох зогсоно.

3. Вэб виджетийн сайтын жагсаалт хоосон бол?

   Виджет ажиллахгүй.

4. AI чатбот өөрийгөө ямар нэрээр танилцуулах вэ?

   Бизнесийн мэдээлэл хуудасны Workspace-ийн нэрээр.

5. Нэг workspace хэдэн Telegram боттой байж болох вэ?

   Нэг.

Дараагийн хичээл: "Inbox: яриа хариулах", дараа нь "AI ажилтан: сургах, турших, ажиллуулах".