Яриа апп (Inbox) бол ажилтны хамгийн их цаг өнгөрүүлэх дэлгэц. Энэ хичээлээр та гурван зүйл сурна: - яриа бүрт AI хариулж байгаа эсэхийг унших, - AI-аас яриаг авч өөрөө хариулаад буцааж өгөх, - AI-ийн бэлдсэн саналыг батлах, яриаг багийн гишүүнд оноох.

Хамгийн чухал дүрэм: өөрөө хариулах гэж байгаа бол эхлээд Хүн авах дарна.

Эхний гурван хэсгийг сайн эзэмшвэл өдөр тутмын ажлын 90 хувь болно. Сүүлийн хэсгүүд нь багаар ажиллахад хэрэгтэй.

Хажуугийн цэсээс Яриа аппыг нээгээд Мессеж-ийг сонгоно.

Зүүн талд ярианы жагсаалт: - Дээд талын Харилцаа хайх... талбараар харилцагчийн нэр, утсаар хайна. - Бүгд ба Уншаагүй сэлгүүр. Өдрийн эхэнд Уншаагүй-г сонгож эхэлбэл амар. - Мөрийн өмнөх цэг нь уншаагүйг, "AI" тэмдэг нь AI оролцсоныг заана. Хүн хүлээж буй ярианы мөрөнд Хүн хэрэгтэй гэсэн шар тэмдэг гарна.

Яриа сонгоогүй үед баруун талд тойм тоо харагдана: Нийт харилцаа, Уншаагүй, Өнөөдөр, Онлайн баг.

Та зөвхөн өөрт зөвшөөрөгдсөн сувгийн яриаг харна. Эрхийн тохиргоог "Баг ба эрх" хичээлд үзнэ.

Яриа нээхэд толгой хэсэгт харилцагчийн нэр, суваг (Messenger, Instagram...) ба AI-ийн төлөв бичигдэнэ.

• AI идэвхтэй: бот хариулж байна.
• Оператор горим: хэн нэгэн "Хүн авах" дарсан, эсвэл AI өөрөө хүнд шилжүүлсэн. Бот энэ яриан дээр зогссон.
• AI унтраалттай: workspace-ийн AI-ийн мастер унтраалга унтраалттай. Нэг ч яриа автоматаар хариулагдахгүй.
• Сувгийн AI унтраалттай: зөвхөн энэ сувагт AI унтраалттай.
• Гадаад бот хариулна: OpenBot-ийн AI биш, танай өөрийн хөгжүүлсэн бот энэ сувагт хариулж байна.

AI-г асаах, сувгийн горим солих нь AI ажилтан, Ажиллуулах хуудсанд. Ажилтан ихэвчлэн үүнийг өөрчлөхгүй, эзэндээ хэлнэ.

Яриа дээр дарахад гурван хэсэг нээгдэнэ.

1. Толгой: харилцагч, суваг, AI-ийн төлөв, Хүн авах товч, ... цэс (Тэмдэглэл, Оператор оноох).
2. Мессежүүд: AI-ийн бичсэн мессеж дээр "AI" гэж тэмдэглэгдэнэ. Захиалга, товч бүхий мессеж ч энд харагдана. Доор мессеж бичих талбар ба "Баярлалаа!", "Түр хүлээнэ үү" гэх мэт бэлэн хариултын товчнууд. Товч дээр дарвал текст талбарт орно, илгээхээсээ өмнө засаж болно.
3. Баруун самбар: Мэдээлэл табд Харилцагч (утас, Профайл линк), Шошго ("+ Нэмэх"), Захиалга. Үйл ажиллагаа табд Тэмдэглэл & Даалгавар, Түүх, AI-ийн үйлдэл (AI юу хийснийг: бараа харуулсан, захиалга үүсгэсэн гэх мэт).

Нарийн дэлгэц дээр (1440px-ээс бага) баруун самбар нуугдана: ... цэсний "Харилцагчийн мэдээлэл"-ээр нээнэ.

1. Толгойн Хүн авах товчийг дарна. "Оператор горимд шилжих үү? AI хариулт зогсоно. Та гараар хариулна." гэсэн баталгаажуулалт гарна. Зөвшөөрнө.
2. Бичих талбарын текст "Оператор хариулт бичих..." болж өөрчлөгдөнө. Хариугаа бичээд илгээнэ.
3. Ажил дуусмагц мөн ижил газарт гарсан AI-д буцаах товчийг дарна. "AI идэвхжүүлэх үү?" гэсэн асуултыг зөвшөөрөхөд AI дахин асна, харилцагчид "Хүлээлгэсэн бол уучлаарай. Танд юугаар туслах вэ?" гэсэн мессеж очно.

Хүн авах нь зөвхөн тэр нэг яриан дээр AI-г зогсооно. Бусад яриан дээр AI хэвийн ажилласаар.

Ажилтнуудын хамгийн их гаргадаг алдаа: "Хүн авах" дарахгүйгээр шууд бичих. Таны мессеж харилцагчид очно, гэхдээ AI зогсоогүй тул харилцагчийн дараагийн мессежид бот бас хариулна. Харилцагч хоёр өөр хүнтэй ярьж байгаа мэт санагдана.

Мөн оператор горимд шилжсэн яриа 30 минут болоход AI автоматаар буцаж асна, харилцагчид "Хүлээлгэсэн бол уучлаарай..." мессеж очно. Тиймээс урт яриа бол дундуур нь хариугүй удаан орхиж болохгүй.

AI яриаг өөрөө хүнд шилжүүлэх хоёр гол тохиолдол бий.

• Мэдэхгүй асуулт: AI таны мэдээлэлд байхгүй зүйлийг зохиож хариулахгүй. Оронд нь "... энэ мэдээллийг яг одоо надад алга. Та админтай холбогдох уу?" гэж асууж, "Тийм, админд хандах", "Үгүй, өөр зүйл асууя" товч өгнө. Харилцагч "Тийм" дарвал яриа оператор горимд шилжинэ.
• Түлхүүр үг: харилцагч "оператор", "хүн", "админ" гэх мэт үг бичихэд. Түлхүүр үгсийн жагсаалтыг AI ажилтан, Ажиллуулах хуудасны "Хүнд шилжүүлэх" хэсэгт эзэн тохируулна.

Шилжсэн яриа жагсаалтад Хүн хэрэгтэй тэмдэгтэй гарч, харилцагчид "Оператортой ярилцсан" шошго автоматаар нэмэгдэнэ. Ийм яриаг хамгийн түрүүнд аваарай.

AI ажилтан апп, Ажиллуулах хуудсанд "Суваг бүрийн AI" хэсэг байна. Суваг бүрт дөрвөн сонголт: Унтраах, Санал болгох, Автомат, Гадаад бот (өөрийн бот холбосон үед).

Санал болгох горимд бот харилцагчид шууд хариулахгүй. Оронд нь хариуны ноорог бэлдэж Inbox-д тавина, хүн шалгаад илгээнэ. Шинээр сургасан ботын хариуг эхний өдрүүдэд ингэж хянах нь хамгийн аюулгүй.

Горим солих нь эзэн эсвэл менежерийн шийдвэр. Ажилтан зөвхөн Inbox дээр саналыг шийднэ (дараагийн слайд).

Санал болгох горимтой сувагт харилцагч бичих бүрд ярианд AI санал — илгээгдээгүй гэсэн карт гарна. Харилцагч үүнийг харахгүй.

• Илгээх: санал зөв бол дарна. Харилцагчид илгээгдэнэ.
• Засах: текстийг засах талбар нээгдэнэ. Засаад Зассанаа илгээх дарна. Болих бол "Болих".
• Хаях: санал тохиромжгүй бол. Дараа нь өөрөө хариулна.

24 цагийн дотор шийдээгүй саналыг юу хийхийг эзэн Ажиллуулах хуудасны "Шийдэгдээгүй AI саналын бодлого"-оор тогтооно: Хаях (анхдагч, харилцагч хариу авахгүй) эсвэл Автоматаар илгээх.

Санал бүр AI-ийн ажил тул хаясан санал ч сарын AI хариуны хязгаараас хэрэглэнэ. Хэрэглээний тоонд зөвхөн илгээсэн хариу харагдана.

• Оператор оноох: толгойн ... цэс, Оператор оноох, гишүүнээ сонгоно. Буцаах бол мөн тэнд Хуваарилалт цуцлах.
• Тэмдэглэл: ... цэсний "Тэмдэглэл" эсвэл баруун самбарын Үйл ажиллагаа таб, Тэмдэглэл & Даалгавар. Даалгаварт "Дуусах хугацаа" өгч "Нэмэх" дарна. Даалгаврууд Харилцагч аппын Даалгавар хуудсанд цугларна.
• Зураг хавсаргах: компьютероосоо зураг илгээнэ.
• Файл хавсаргах: Медиа сан дахь PDF, видео, аудио илгээнэ. Starter ба түүнээс дээш багцад.
• Нэхэмжлэх: QR нэхэмжлэх үүсгэж илгээнэ. Багцад нэхэмжлэхийн боломж байгаа үед товч харагдана.

Дэлгэц дээр өөр ажилтан тэр яриаг нээсэн бол "... энэ харилцаа руу нэвтэрсэн байна" гэж харагдана. Нэг яриаг хоёр хүн зэрэг хариулахаас зайлсхий.

Яриа аппын Ажлын дараалал хуудас яриаг дөрвөн хувинд эрэмбэлнэ. Мөр бүрийн Нээх товч тухайн яриаг Inbox-д нээнэ.

Санал болгох дараалал: 1. Оператор хүлээгдэж буй: харилцагч хүн хүсээд хүлээж байна. 2. Надад оноогдсон: таны хариуцлага. 3. Хариулаагүй, дараа нь Шинэ (уншаагүй).

Энэ хуудас цэсний Мэргэжлийн шатанд харагдана. Цэсэнд байхгүй бол хайлтаар (Cmd+K эсвэл Ctrl+K) "Ажлын дараалал" гэж олно.

Энэ бол Meta-ийн дүрэм, OpenBot-ийн тохиргоо биш. Харилцагчийн сүүлийн мессежээс 24 цаг өнгөрсөн бол Messenger, Instagram-аар таны илгээсэн мессеж очихгүй.

Харилцагч дахин бичмэгц цонх дахин 24 цагаар нээгдэнэ. Тиймээс асуултад цаг алдалгүй хариулах нь чухал: өглөө хүртэл хүлээвэл хариулах боломжгүй болж магадгүй.

• "Бот хариулахгүй" гэж эзэн рүү залгахаас өмнө толгойн төлвийг уншаарай: ихэнхдээ хэн нэгэн "Хүн авах" дараад AI-д буцаагаагүй байдаг.
• Сарын AI хариуны хязгаар дууссан эсэхийг хажуугийн цэсний доод хэсгийн багцын картаас харна.
• Яриа харагдахгүй бол дээд зүүн буланд зөв workspace сонгогдсон эсэхийг шалгаад, тэр ч биш бол эзнээсээ сувгийн хандалтаа асууна.

Асуулт бүрт эхлээд өөрөө хариулаад, дараа нь хариултыг нээж шалгаарай.

1. Өөрөө хариулахаас өмнө юу дарах вэ?

   Хүн авах. Тэгж байж тэр яриан дээр AI зогсоно.

2. Оператор горимд удаан хариулахгүй орхивол юу болох вэ?

   30 минутын дараа AI өөрөө буцаж асна.

3. "AI санал — илгээгдээгүй" картан дээр ямар гурван үйлдэл байдаг вэ?

   Илгээх, Засах (Зассанаа илгээх), Хаях.

4. Харилцагч 2 өдрийн өмнө Messenger-ээр бичсэн бол мессеж илгээж чадах уу?

   Үгүй. 24 цагийн цонх хаагдсан, тэр дахин бичихийг хүлээнэ.

5. Яриаг багийн гишүүнд хаанаас оноох вэ?

   Ярианы толгойн ... цэс, Оператор оноох.

Дараагийн хичээл: "AI ажилтан: сургах, турших, ажиллуулах", дараа нь "Харилцагч ба CRM".